நாரஹேன்பிட்டி பகுதியில், மருத்துவர் ஒருவரிடம் இலஞ்சம் பெற முயன்ற சம்பவம் தொடர்பில் கைது செய்யப்பட்டிருந்த முன்னாள் பொலிஸ் அதிகாரிகள் இருவர் பிணையில் விடுதலை செய்யப்பட்டுள்ளனர்.
கொழும்பு மேல் நீதிமன்றினால் அவர்கள் நேற்றுப் பிணையில் விடுவிக்கப்பட்டனர். 80 லட்சம் ரூபா பணம் பெற முயன்ற குற்றச் சாட்டில் நாரஹேன்பிடிய முன்னாள் பொலிஸ் பொறுப்பதிகாரி மற்றும் முன்னாள் பொலிஸ் பரிசோதகருமே பிணையில் விடுதலை செய்யப்பட்டனர்.
2015 ஆம் ஆண்டு குறித்த மருத்துவரிடம் அவர்கள் 80 லட்சம் ரூபா பணத்தை இலஞ்சமாகக் கோரி அவற்றில், 25 லட்சம் ரூபா பணத்தைப் பெற்றுக் கொண்டனர் என்று இலஞ்ச ஊழல் ஆணைக்குழு நீதிமன்றுக்குத் தகவல் தெரிவித்துள்ளது என்று மேலும்தெரிவிக்கப்பட்டது.
