சீனாவின் வுஹான் நகரில் உள்ள இலங்கை மாணவர்களை நாட்டிற்கு அழைத்து வர இலங்கையிலிருந்து விமானம் ஒன்றை அனுப்பியுள்ளதாக சுகாதார அமைச்சர் பவித்ரா வன்னியாராச்சி தெரிவித்துள்ளார்.
அந்தவகையில் UL 1422 என்ற விமானமே வுஹான் நகருக்கு அனுப்பி வைக்கப்பட்டுள்ளதுடன்
அந்த விமானத்தில் விசேட பயிற்சி பெற்ற சுகாதாரக் குழுவொன்றும் செல்வதாக அவர் கூறியுள்ளார்.
வுஹான் நகரில் உள்ள இலங்கை மாணவர்கள் 33 பேரும் , அழைத்துவரப்பட்டதும் அவர்களை விசேட பஸ் ஒன்றின் மூலம் தியத்தலாவைக்கு அழைத்துச் செல்ல நடவடிக்கை முன்னெடுக்கப்பட்டுள்ளதாகவும் அவர் குறிப்பிட்டார்.
சுகாதார அமைச்சில் இடம்பெற்ற ஊடக சந்திப்பிலேயே அமைச்சர் பவித்ரா வன்னியாராச்சி இதனை கூறியுள்ளார்.
