வாந்துவ மற்றும் பேலியகொட பகுதியில் இடம்பெற்ற இருவேறு ரயில் விபத்துக்களில் 3 பேர் உயிரிழந்துள்ளதுடன் மேலும் சிலர் காயமடைந்துள்ளனர்.
கோட்டையிலிருந்து களுத்துறை நோக்கி பயணித்த ரயிலில் வாந்துவ தல்பிடிய பகுதியில் மோதி விபத்திற்குள்ளாகிய மூவர் பலத்த காயங்களுடன் வைத்தியசாலையில அனுமதிக்கப்பட்டதன் பின்னர் அவர்களில் இருவர் சிகிச்சை பலனின்றி உயிரிழந்துள்ளனர்.
ரயில் தண்டவாளத்தில் அமர்ந்திருந்த நிலையில் இவர்கள் மீது ரயில் மோதியுள்ளதாக ரயில்வே கட்டுப்பாட்டு நிலையம் தெரிவித்துள்ளது.
இதேவேளை கண்டியிலிருந்து கொழும்பு நோக்கி பயணித்த ரயிலில் மோதுண்டு 22 வயதான இளைஞர் ஒருவர் உயிரிழந்துள்ளார்.
களனி ரயில் நிலையத்திற்கு அருகில் இந்த விபத்து சம்பவித்துள்ளது.
தண்டவாளங்களில் நடமாடுவது மற்றும் அமர்ந்திருப்பதற்கு தடைவிதிக்கப்பட்டுள்ளதாக ரயில்வே கட்டுப்பாட்டு நிலையம் தெரிவித்துள்ளது.
