இரா.சம்பந்தனுக்கான எதிர்க்கட்சித் தலைவருக்கான விசேட சலுகைகளைப் பெற்றுக்கொடுக்க மாட்டோமென நாடாளுமன்ற உறுப்பினர் பந்துல குணவர்தன குறிப்பிட்டுள்ளார்.
கொழும்பில் இடம்பெற்ற நிகழ்வொன்றில் கலந்து கொண்டு கருத்துத் தெரிவித்தபோதே அவர் இதனைத் தெரிவித்துள்ளார். இது தொடர்பாக அவர் மேலும் குறிப்பிடுகையில்,
“தமிழ்த் தேசிய கூட்டமைப்பின் தலைவர் இரா.சம்பந்தனுக்கு எதிர்க்கட்சித் தலைவருக்கான விசேட சலுகைகளைப் பெற்றுக்கொடுக்க முடியாது. இதற்காக முன்னெடுக்கப்படும் நடவடிக்கைகளுக்கும் ஆதரவளிக்க முடியாது.
மேலும் சம்பந்தனுக்கு வீட்டுச் சலுகையை பெற்றுக் கொடுப்பதற்காக அனுமதி பெறப்பட்டுள்ள அமைச்சரவைப் பத்திரம் மீளப் பெறப்படவேண்டும்.
எனவே இதற்காக அரசாங்கம் முன்னெடுத்துவரும் நடவடிக்கைகனை அனுமதிக்க முடியாது. இச்செயற்பாடுகளை நாம் கண்டிக்கின்றோம்” என பந்துல குணவர்தன மேலும் குறிப்பிட்டுள்ளார்.
