”இரட்டை இலை சின்னத்தை எந்த கொம்பனும் முடக்க முடியாது,” என ராமநாதபுரத்தில் நடந்த எம்.ஜி.ஆர்., நுாற்றாண்டு விழாவில் முதல்வர் பழனிசாமி பேசினார்.
அவர் பேசியது: ‛‛இரட்டை இலை சின்னம் நமக்கு கிடைத்த மகிழ்ச்சியை இங்கே சேர்த்து கொண்டாடுகிறோம். சின்னத்தை முடக்க எதிரிகளுடன் சேர்ந்து நடத்திய முயற்சி முறியடிக்கப்பட்டுள்ளது. இனி, இரட்டை இலை சின்னத்தை எந்த கொம்பனாலும் முடக்க முடியாது. அதற்கு எவ்வளவு சக்தி இருக்கிறது என்பதை ஆர்.கே.நகர் இடைத்தேர்தலில் நிரூபிப்போம். இந்த தேர்தல் மட்டும் அல்ல இனி எந்த தேர்தல் வந்தாலும், அ.தி.மு.க.,வின் வெற்றி தொடரும்.” இவ்வாறு பேசினார்.
