இயக்குநரும், நடிகருமான பாரதிராஜா கதையின் நாயகனாக முதன்மையான கதாபாத்திரத்தில் நடிக்கவிருக்கும் புதிய திரைப்படத்திற்கு, ‘மார்கழி திங்கள்’ என பெயரிடப்பட்டு, அதன் ஃபர்ஸ்ட் லுக் வெளியிடப்பட்டிருக்கிறது.
‘தாஜ்மஹால்’ எனும் படத்தின் மூலம் தமிழ் ரசிகர்களுக்கு நடிகராக அறிமுகமான மனோஜ் பாரதிராஜா, இயக்குனராக அறிமுகமாகும் திரைப்படம் ‘மார்கழி திங்கள்’.
இந்தத் திரைப்படத்தில் ‘இயக்குநர் இமயம்’ பாரதிராஜா, நடிகர் வினோத் கிஷன் முக்கிய வேடங்களில் நடிக்கிறார்கள். ஏ. ஆர். சூர்யா ஒளிப்பதிவு செய்யவிருக்கும் இந்த திரைப்படத்திற்கு ஜீ. வி. பிரகாஷ் குமார் இசையமைக்கிறார்.
கிராமத்து பின்னணியில் காவல்காரன் ஒருவரது வாழ்க்கையை சித்தரிக்கும் வகையில் தயாராகும் இந்த திரைப்படத்தை வெண்ணிலா புரொடக்ஷன்ஸ் எனும் பட நிறுவனம் சார்பில் இயக்குநரும், நடிகருமான சுசீந்திரன் தயாரிக்கிறார்.
இந்த திரைப்படத்தின் படப்பிடிப்பு இம்மாதம் தொடங்கும் என்றும் அறிவிக்கப்பட்டு, படத்தின் ஃபர்ஸ்ட் லுக் வெளியிடப்பட்டிருக்கிறது. ஃபர்ஸ்ட் லுக்கில் வயதான தோற்றத்தில் கையில் ஊன்றுகோலுடன் இயக்குநர் இமயம் பாரதிராஜா தோன்றுவது.. படத்தை பற்றிய எதிர்பார்ப்பை அதிகரித்திருக்கிறது.
