முன்னாள் ஜனாதிபதி மஹிந்த ராஜபக்சவின் பாரியாரான ஷிரந்தி ராஜபக்சவுக்கு இன்று விசாரணைக்காக அழைப்பு விடுக்கப்பட்டிருந்த போதிலும் அவர் விசாரணைகளுக்கு முன்னிலையாகவில்லை.
தனது தனிப்பட்ட காரணங்களுக்காக இன்றைய விசாரணைகளுக்கு முன்னிலையாக முடியாது என்று இரகசிய பொலிஸாருக்கு தனது சட்டத்தரணி ஊடாக ஷிரந்தி ராஜபக்ச தகவல் அனுப்பிவைத்துள்ளார்.
சிறிலிய சவிய அறக்கட்டளை நிறுவனத்திற்கு செஞ்சிலுவைச் சங்கத்தினால் வழங்கப்பட்ட ஜீப் வண்டியை யோஷித ராஜபக்சவின் பாவனைக்கு வழங்கியமை தொடர்பில் வாக்கு மூலம் பெற இரகசிய பொலிஸாரினால் இன்றைய தினம் வரும்படி ஷிரந்தி ராஜபக்சவுக்கு அழைப்பு பிறப்பிக்கப்பட்டிருந்தமை குறிப்பிடத்தக்கது.
