20 வருட அமெரிக்க தலையீடு மற்றும் ஆயிரக் கணக்கான உயிரிழப்புகளுக்கு பின்னர் தலிபான்கள் ஆப்கானிஸ்தானில் மீண்டும் அதிகாரத்தை கைப்பற்றியுள்ளனர்.
தலிபான்களின் அரசியல் அலுவலக செய்தித் தொடர்பாளர் மொஹமட் நயீம், அல்-ஜசீராவிடம் பேசுகையில், ஆப்கானிஸ்தானில் போர் முடிந்துவிட்டதாக அறிவித்தார்.
நாங்கள் அனைத்து ஆப்கானிஸ்தான் பிரமுகர்களுடனும் உரையாடத் தயாராக இருக்கிறோம், அவர்களுக்குத் தேவையான பாதுகாப்பை உறுதி செய்வோம் என்று நயீம் மேலும் கூறினார்.
வெளிநாட்டுப் படைகள் ஆப்கானிஸ்தானில் தோல்வியடைந்த அனுபவத்தை மீண்டும் நினைவுகூறும் என்று நாங்கள் நினைக்கவில்லை.
நாங்கள் தேடுவதை நாங்கள் அடைந்துள்ளோம், இது நமது நாட்டின் சுதந்திரம் மற்றும் நமது மக்களின் சுதந்திரம் என்றார்.
ஆப்கானிஸ்தான் தலைநகரின் மீது தலிபான் கட்டுப்பாட்டைக் கூறியதால், பல நாடுகள் அந்த நாட்டிலிருந்து தூதரக அதிகாரிகளை வெளியேற்றின, மேலும் மக்கள் ஆப்கானிஸ்தானை விட்டு வெளியேறும் முயற்சியில் காபூல் விமான நிலையத்திற்கு திரண்டனர்.
எனினும் காபூலில் அனைத்து தூதரகங்களும் வெளிநாட்டு இராஜதந்திரப் பணியாளர்களும் பாதுகாப்பாக இருப்பதாக நயீம் குறிப்பிட்டதுடன், நகரத்தில் உள்ள அனைவரும் முழு நம்பிக்கையுடன் இருக்குமாறும் அவர் வலியுறுத்தினார்.
ஆப்கானிஸ்தான் ஜனாதிபதி அஷ்ரப் கானி, தஜிகிஸ்தானுக்கு சென்றவுடன் தலிபான்கள் ஞாயிற்றுக்கிழமை காபூலுக்குள் நுழைந்தனர்.
இரத்தம் சிந்துவதைத் தவிர்ப்பதற்காக தான் அவ்வாறு செய்ததாக அஷ்ரப் கனி கூறினார், மேலும் அவர் தனது இராஜினாமாவை அறிவித்தார்.
பல பெரிய விமான நிறுவனங்கள் ஆப்கான் வான்வெளியைப் பயன்படுத்துவதை நிறுத்திவிட்டமையும் குறிப்பிடத்தக்கது.
_____________________________________________________________________________
