அதிபர் – ஆசிரியர்களின் சம்பள முரண்பாடுகளுக்கு தீர்வு வழங்குவதற்காக நியமிக்கப்பட்ட அமைச்சரவை உப குழுவினால் தொகுக்கப்பட்ட முன்மொழிவுகள் அடங்கிய அறிக்கை இன்று நிதியமைச்சர் பஷில் ராஜபக்ஷவிடம் கையளிக்கப்படவுள்ளது.
குறித்த அமைச்சரவை உப குழுவின் உறுப்பினர் மஹிந்த அமரவீர, அதிபர் – ஆசிரியர் தொழிற்சங்கங்களுடனான கலந்துரையாடலின் போது சாதகமான முன்மொழிவுகளை பரிசீலித்ததாக கூறினார்.
கடந்த புதன்கிழமை இப் பேச்சுவார்த்தைகள் இடம்பெற்றதாகவும், இதன்போது முன்மொழியப்பட்ட பரிந்துரைகளை நிதி அமைச்சகத்துடன் விவாதிப்பதாகவும், அடுத்த வாரம் அமைச்சரவைக் கூட்டத்தில் அறிக்கையை தாக்கல் செய்யவுள்ளதாகவும் அமைச்சரவை உப குழு தெரிவித்துள்ளது.
