மத்திய வங்கியின் முன்னாள் ஆளுநர் அர்ஜுன் மகேந்திரனைக் கைது செய்து நீதிமன்றத்தில் முற் படுத்துமாறு கொழும்பு கோட்டை நீதிவான் நேற்றுப் பிடியாணை பிறப்பித்துள்ளார்.
சட்டமா அதிபர் திணைக்களத்தினால் முன்வைக்கப்பட்ட விடயங்களை ஆராய்ந்த கோட்டை நீதிவான் லங்கா ஜயரத்னவினால் இந்தப் பிடியாணை பிறப்பிக்கப்பட்டுள்ளது.
மத்திய வங்கியின் முன்னாள் ஆளுநர் அர்ஜுன் மகேந்திரனைக் குற்றப்புலனாய்வு திணைக்களத்தில் முன்னிலையாகுவதற்கு காலக்கெடு வழங்கப்பட்ட போதிலும் அவர் முன்னிலையாகாமையால் பிடியாணை பிறப்பிக்குமாறு சட்டமா அதிபர் திணைக்களத்தின் பிரதி சொலிசிட்டர் ஜெனரல் யசந்த கோத்தாகொட நீதிவானிடம் கோரிக்கை விடுத்தார்.
இந்தக் கோரிக்கையை ஏற்றுக்கொண்ட கோட்டை நீதிவான் அர்ஜுன மகேந்திரனைக் கைதுசெய்யுமாறு பிடியாணை பிறப்பித்துள்ளார்.
