வரும் ஆகஸ்ட் 30ஆம் தேதி வெளியாக இருக்கும் சாஹோ படத்தின் புரமோஷன் நிகழ்ச்சிகளில் மிக பிஸியாக இருக்கிறார் அதன் கதாநாயகன் பிரபாஸ். பாகுபலி படங்களின் வெற்றியை தொடர்ந்து இந்த படம் வெளியாக இருப்பதால் படத்திற்கு மிகப்பெரிய எதிர்பார்ப்பு எழுந்துள்ளது. தெலுங்கு மட்டுமல்லாமல் இந்தி, மலையாளம், தமிழ், கன்னடம் ஆகிய மொழிகளில் வெளியாகும் இந்த படத்தின் புரமோஷன் நிகழ்ச்சிகளில் கலந்துகொண்டு சூறாவளியாக சுழன்று வருகிறார் பிரபாஸ்.
இந்த நிகழ்ச்சிகளின்போது தவறாமல் அவரிடம் கேட்கப்படும் கேள்வி அனுஷ்காவின் நீங்களும் காதலர்களா, எப்போது திருமணம் செய்து கொள்வீர்கள் என்பதுதான்.. இதுபற்றி நாசுக்காக பதில் சொல்லி நழுவிக் கொள்கிறார் பிரபாஸ். இதுபோன்ற ஒரு பேட்டியின்போது, அவருடன் இரண்டு படங்களில் நடித்த காஜல் அகர்வால் மற்றும் அனுஷ்கா ஆகியோரிடம் அவருக்கு பிடித்த மற்றும் பிடிக்காத விஷயங்கள் குறித்து கேட்கப்பட்டது
அதற்கு பதிலளித்த பிரபாஸ், காஜல் அகர்வாலின் அழகு மற்றும் எனர்ஜி தனக்குப் பிடித்ததாகவும் அதேசமயம் ஆரம்ப காலகட்டத்தில் அவர் உடை அணியும் விஷயத்தில் ரொம்பவே ஆவரேஜ் ஆக இருந்ததாகவும் தற்போது பெர்பெக்ட் ஆக மாறி விட்டார் என்றும் கூறினார்.
அதேபோல அனுஷ்கா பற்றி கூறும்போது, அவரது உயரமும் அழகும் அவருக்கு பிளஸ் பாயிண்டுகள் என்றும் ஆனால் நான் அவருக்கு போன் செய்யும்போது அதை அவர் உடனே எடுத்து பேசாதது அவரிடம் தனக்கு பிடிக்காத விஷயம் என்றும் கூறியுள்ளார் பிரபாஸ்.