பாலுமகேந்திராவால் உன் கண்ணில் நீர் வழிந்தால் படத்தின் மூலம் அறிமுகப்படுத்தப்பட்டவர் மவுனிகா. அதன் பிறகு சில படங்களில் நடித்தவர் பாலுமகேந்திராவுடன் இணைந்து வாழ்ந்தார். சினிமா வாய்ப்பு இல்லாததால் சின்னத்திரை தொடர்களில் நடித்தார். பாலுமகேந்திராவின் மறைவுக்கு பிறகு சினிமா, சின்னத்திரை இரண்டிலும் இருந்து விலகி இருந்தார்.
தற்போது மீண்டும் சினிமாவில் நடிக்கத் தொடங்கியிருக்கிறார். கடைகுட்டி சிங்கம் படத்தில் நடித்தார், தற்போது பாரதிராஜா இயக்கும் ஓம் உள்ளிட்ட சில படங்களில் நடித்து வருகிறார். 10 வருடங்களுக்கு முன்பு சொர்க்கம் என்ற தொடரில் கடைசியாக நடித்தார். அதன் பிறகு தற்போது மீண்டும் சின்னத்திரை தொடரில் நடிக்கிறார். விரைவில் ஒளிபரப்பாக இருக்கும் அக்னி நட்சத்திரம் என்ற தொடரில் முக்கிய கேரக்டரில் நடிக்கிறார். இதற்கான படப்பிடிப்பு தற்போது நடந்து வருகிறது. மவுனிகா கலந்து கொண்டு நடித்து வருகிறார். சினிமா, சின்னத்திரை இரண்டிலும் தொடர்ந்து நடிக்க முடிவு செய்திருக்கிறார்.
