பிரபல பாலிவுட் நடிகையான ஷ்ரத்தா கபூர், தற்போது பாகுபலி நாயகன் பிரபாஸ் நடித்து வரும் சாஹோ படத்தில் அவருக்கு ஜோடியாக நடித்து வருகிறார். சுஜீத் இயக்கி வரும் இப்படம் இந்த ஆண்டு ஆகஸ்ட் 15-ந்தேதி தமிழ், தெலுங்கு, ஹிந்தி என மூன்று மொழிகளில் வெளியாகிறது.
இதைத்தொடர்ந்து இரண்டு ஹிந்தி படங்களிலும் நடித்து வரும் ஷ்ரத்தா கபூர், அடிக்கடி டேட்டிங் செல்லும் புகைப்பட கலைஞர் ரோஹன் ஷெரெஸ்தா என்பவரை 2020ம் ஆண்டில் திருமணம் செய்து கொள்ள முடிவு செய்திருப்பதாக பாலிவுட்டில் செய்திகள் வைரலாகியிருக்கிறது. இந்த செய்தி குறித்து ஷ்ரத்தா கபூர் இதுவரை எந்த மறுப்பும் தெரிவிக்கவில்லை என்பது குறிப்பிடத்தக்கது.
