சென்னையில் முக்கிய சாலையில் ஏற்பட்ட திடீர் பள்ளத்தில் பேருந்தும், காரும் உள்ளே சிக்கியது பரபரப்பை ஏற்படுத்தியுள்ளது.
தமிழ்நாட்டின் தலைநகரான சென்னையில் அண்ணாசாலை மிக முக்கிய பகுதியாகும்.
போக்குவரத்து நெரிசல் மிகுந்த இந்த பகுதியில் உள்ள சாலையில் இன்று திடீரென ஒரு பெரிய பள்ளம் ஏற்பட்டது.
இந்த சமயத்தில் அந்த வழியாக வந்த ஒரு அரசு பேருந்தும், காரும் அந்த பள்ளத்தின் உள்ளே கவிழ்ந்தது.
இதனால் பேருந்தின் உள்ளே இருந்த பயணிகள் அலறினார்கள். பின்னர் சாலையில் இருந்த பொது மக்கள் பேருந்தில் இருந்தவர்களையும், காரில் இருந்தவரையும் வெளியேற்றினார்கள்.
பயணிகளில் பலருக்கு காயம் ஏற்பட்டுள்ளதாக தகவல் வெளியாகியுள்ளது. அந்த பகுதியில் மெட்ரோ ரயில் பணி நடந்து வருவதால் அந்த தாக்கத்தால் பள்ளம் ஏற்பட்டதா என அதிகாரிகள் விசாரித்து வருகிறார்கள்
