மெக்சிகோவில் விமானத்தில் இருந்து மூன்று பேரின் சடலங்கள் வீசப்பட்ட சம்பவம் திகிலை கிளப்பியுள்ளது. அவர்கள் கொலை செய்யப்பட்டு கீழே வீசப்பட்டுள்ளதாக கூறப்படுகிறது.
மெக்சிகோவின் சினாலாவா மாகாணத்தில் மூன்று பேரின் சடலங்கள் வானில் இருந்து விழுந்துள்ளது. அங்கிருந்த மருத்துவமனை மாடியில் ஒருவரின் சடலம் விழுந்தது.
இதையடுத்து, மேலும் இரண்டு சடலங்கள் அருகில் இருந்த வீட்டு வாசலில் விழுந்துள்ளது. இச்சடலங்கள் விமானத்தில் இருந்து வீசப்பட்டுள்ளதாக அங்கிருந்த பொது மக்கள் கூறுகின்றனர்.
மேலும், வீசப்படுவதற்கு முன்னர் இவர்கள் கொலை செய்யப்பட்டிருப்பதாகவும் கண்டுபிடிக்கப்பட்டுள்ளது. இந்நிலையில் கீழே வீசப்பட்டவர்கள் போதை மருந்து கடத்தல் கும்பலை சேர்ந்தவர்கள் என மெக்சிகோ போலீஸ் நடத்திய விசாரணையில் தெரிய வந்துள்ளது.
