விஜய் டிவியில் பிக் பாஸ் நிகழ்ச்சியை கமல் தொகுத்து வழங்குவது குறித்த அதிகாரபூர்வ தகவல் வெளியாகியுள்ளது.
சர்வதேசப் புகழ்பெற்ற பிக் பாஸ் டிவி நிகழ்ச்சி விஜய் டிவியில் தமிழில் ஒளிபரப்பாகவுள்ளது. இதை கமல் தொகுத்து வழங்குகிறார். 15 பிரபலங்கள் ஒரே வீட்டில் நூறு நாள்கள் ஒன்றாக இணைந்து வசிப்பார்கள். வெளியுலகத் தொடர்பு, தொலைத்தொடர்பு என எதுவுமின்றி. இதுதான் இந்நிகழ்ச்சியின் முக்கிய அம்சம்.
இந்நிகழ்ச்சியில் தொகுப்பாளராகக் கலந்துகொள்வது பற்றி கமல் கூறியதாவது: இந்த நிகழ்ச்சிக்காக விஜய் டிவியில் என்னை அணுகியபோது முதலில் சிரித்தேன். என் வாழ்க்கையில் தனிப்பட்ட விஷயம் உள்ளிட்ட அனைத்தும் அனைவராலும் கண்காணிக்கப்படுகிறது. இங்கு பொறுப்புகள் தலைகீழ். தற்போது இந்த நிகழ்ச்சியில் பங்கேற்பவர்களை நான் கண்காணிக்கப்போகிறேன் என்று கூறியுள்ளார்.
பிக் பாஸ் நிகழ்ச்சி விஜய் டிவியில் ஜூன் 18 முதல் ஆரம்பமாகவுள்ளது. திங்கள் முதல் வெள்ளி வரை இரவு 9 மணிக்கு, சனி மற்றும் ஞாயிறு ஆகிய நாள்களில் இரவு 8.30 மணிக்கு ஒளிபரப்பாகவுள்ளது.
