இன்று வசந்தம்-போன்ற காலநிலை காணப்படும் என வானிலை முன்னறிக்கையில் தெரிவிக்கப்பட்ட போதிலும் இந்நிலை இன்றிரவு மீண்டும் அதி தீவிரமான குளிர் நிலைக்கு திரும்புகின்றதென அறிவிக்கப்பட்டுள்ளதுடன் அதிதீவிர குளிர் எச்சரிக்கையும் விடுக்கப்பட்டுள்ளது.
ரொறொன்ரோவின் சுகாதார மருத்துவ அதிகாரி இரவு வெப்பநிலையில் ஒரு பாரிய வீழ்ச்சி ரொறொன்ரோவில் ஏற்படும் என தெரிவித்துள்ளதோடு அதி தீவிர குளிர் காலநிலை எச்சரிக்கையையும் விடுத்துள்ளார்.
செவ்வாய்கிழமை அதி உயர் வெப்பநிலையாக 12 C இருக்கும் என தெரிவித்த கனடா சுற்று சூழல் இரவோடு இரவாக  -12 C வீழ்ச்சியடையும் என தெரிவிக்கின்றது.
அதி தீவிர் குளிர் காலநிலை எச்சரிக்கை விடுக்கப்பட்டதுடன் குளிர்-காலநிலை சம்பந்தமான பல மேலதிக சேவைகள் மற்றும் வீடற்றவர்களிற்கான புகலிட சேவைகளையும் நகரம் வழங்கும் என தெரிவிக்கப்பட்டுள்ளது.
24 மணி நேர தற்காலிக தங்குமிட சேவைகளும் வழங்கப்படும்.
அதி தீவிர குளிர் காலநிலைக்கு ஏற்ப ஆடைகளை அணியுமாறும் எச்சரிக்கப்படுகின்றது.
நாளை உயர் வெப்பநிலை -3 C ஆக காணப்படும் என அறிவித்துள்ள வானிலை முன்னறிவிப்பு வெப்பமான வானிலை வார இறுதி நாட்களில் திரும்பும் என எதிர்பார்க்கப்படுகின்றது.
வெள்ளிக்கிழமை 9 C சனிக்கிழமை 8 C மற்றும் ஞாயிற்றுகிழமை 4 C ஆக இருக்கும் என கனடா சுற்று சூழல் அறிவிக்கின்றது.