மீதொட்டமுல்ல குப்பை மேடு சரிந்து விழுந்தமையினால் ஏற்பட்ட மரணங்களின் எண்ணிக்கை 26 ஆக அதிகரித்துள்ளதென பொலிஸார் தெரிவித்துள்ளனர்.
ஏழு குழந்தைகள் உட்பட 12 ஆண்கள் மற்றும் 14 பெண்கள் உயிரிழந்தவர்கள் என்று அடையாளம் காணப்பட்டுள்ள நிலையில்.
இதேவேளை, இந்த அனர்தத்தில் உயிரிழந்தவர்களின் எண்ணிக்கை அதிகரிக்கலாம் என அச்சம் வெளியிடப்பட்டுள்ளது. தொடர்ந்தும் தேடுதல் நடவடிக்கை தீவிரப்படுத்தப்பட்டுள்ளது.
மீதொட்டமுல்ல குப்பை மேடு கடந்த வெள்ளிக்கிழமை மாலை சரிந்து விழுந்தமையினால் தற்போது வரையில் 26 பேர் உயிரிழந்துள்ளதுடன், பலர் காயமடைந்து சிகிச்சை பெற்று வருவதோடு பல வீடுகள் முற்றாக சேதமடைந்தன.
தற்போதுவரையில் 180 குடும்பங்களைச் சேர்ந்த குறைந்தது 625 பேர் இந்த சம்பவம் காரணமாக இடம்பெயர்ந்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.
