அரசாங்கத்துக்கு எதிரான சகல தரப்பினரையும் தங்களுடன் ஒன்றிணையுமாறு கூட்டு எதிர்க் கட்சி திறந்த அழைப்பொன்றை விடுத்துள்ளது.
எதிர்வரும் 7 ஆம் திகதி நுகேகொடையில் நடைபெறும் கூட்டு எதிர்க் கட்சியின் பொதுக் கூட்டத்தில் இணைந்து கொள்ளுமாறும் அக்கட்சி கேட்டுள்ளது.
பாராளுமன்ற உறுப்பினர் பிரசன்ன ரணதுங்க இந்த வேண்டுகொளை விடுத்துள்ளார். அரசாங்கத்துக்கு எதிரான பாராளுமன்ற உறுப்பினர், மாகாண சபை உறுப்பினர் மற்றும் பிரதேச சபை உறுப்பினர்களுக்கு இது ஒரு சிறந்த சந்தர்ப்பம் எனவும் அவர் கூறியுள்ளார்.
மேலைத்தேய நாடுகளுடனும், இந்தியாவுடனும் செய்து கொண்டுள்ள உடன்படிக்கைகளின் பிரகாரம் தற்பொழுதுள்ள அரசியல் தலைவர்களுக்கு பிரிந்து செயற்பட முடியாத ஒரு சூழல் ஏற்பட்டுள்ளதாகவும் பிரசன்ன எம்.பி. குறிப்பிட்டுள்ளார்.
