கனடாவின் நிதி மாவட்டமான டொரண்டோவின் மத்திய பகுதியில் பயங்கர சத்தத்துடன் வெடிப்பு பரபரப்பை ஏற்படுத்தியுள்ளது.
டொரண்டோ, Scotia Plaza அடிதளத்தில் இந்த வெடிச்சத்தம் கேட்டதாக தகவல்கள் வெளியாகியுள்ளது. இதனையடுத்து, அப்பகுதி முழுவதும் கருப்பு புகை சூழ்ந்துள்ளது.
வெடிச்சத்தத்தை கேட்டு தீவிரவாத தாக்குதல் என பீதியடைந்த மக்கள் சம்பவயிடத்திலிருந்து தெறித்து ஓடியுள்ளனர்.
தகவலறிந்த சம்பவயிடத்திற்கு விரைந்த பொலிசார் அப்பகுதியிலிருந்து மக்களை வெளியேற்றியுள்ளனர். அப்பகுதிக்கு அருகே உள்ள சாலைகள் அனைத்தையும் மூடி மீட்பு பணியில் ஈடுபட்டு வருகின்றனர்.
சம்பவம் குறித்து டொரண்டோ பொலிசார் டுவிட்டரில் பதிவிட்டுள்ளதாவது, சம்பவயிடத்தில் பயங்கர வெடிச்சத்தம் கேட்டுள்ளது. இதனையடுத்து, பயங்கர புகை சூழ்ந்தள்ளது.
நிலத்தடியிலிருந்து பயங்கர வெடிச்சத்தம் வந்துள்ளது என தகவல் கிடைத்துள்ளது. இதற்கான காரணம் இதுவரை தீர்மானிக்கப்படவில்லை. இந்த விபத்தில் யாருக்கும் எந்த காயமும் ஏற்படவில்லை என தெரிவித்துள்ளனர்
