ஜேர்மனியில் ஓடும் ரயிலில் பயணிகள் மீது கோடாரியால் தாக்குதல் நடத்தப்பட்ட சம்பவத்திற்கு ஐஎஸ் தீவிரவாத அமைப்பு பொறுப்பேறுள்ளது.

ஜேர்மனியில் பவாரியா மாநிலத்தில் உள்ள டிரியூச்லிங்கென் மற்றும் உவர்ஸ்பர்க் நகரங்களுக்கு இடையே ஓடும் மின்சார ரயிலில் ஒருவன் பயணிகளை திடீரென கோடாரி மற்றும் கத்தியால் தாக்கினான்.

பின்னர் ஓச்ஸென்பர்ட் நிலையத்தில் ரயில் நின்றதும் கீழே இறங்கி தப்பிச் செல்ல முயன்றவனை பொலிசார் சுட்டுக் கொன்றனர்.

இந்த தாக்குதலில் 21 பயணிகள் காயமடைந்துள்ளதாகவும், படுகாயமடைந்தவர்களில் சிலரது நிலை கவலைக்கிடமாக இருப்பதாய் பொலிஸ் தரப்பு தெரிவித்துள்ளது.

தாக்குதலில் ஈடுபட்டவர் 17 வயது ஆப்கான் இளைஞர் எனவும், தற்போது அகதியாக ஜேர்மனிக்கு வந்துள்ளதாகவும் தெரிவிக்கப்பட்டுள்ளது.

இந்நிலையில் இந்த தாக்குதல் சம்பவத்திற்கு ஐஎஸ் தீவிரவாத அமைப்பு பொறுப்பேற்றுள்ளது.

‘‘ஜேர்மனி மின்சார ரயிலில் பயணிகள் மீது தாக்குதல் நடத்தப்பட்டதற்கு நாங்கள் தான் காரணம்’’ என அந்த ஐஎஸ் அமைப்பு தங்களின் அதிகாரப்பூர்வ இணையதளத்தில் செய்தி வெளியிடப்பட்டுள்ளது.