இலங்கை மற்றும் பங்களாதேஸ் அணிகளுக்கு இடையிலான முதலாவது டெஸ்ட் போட்டி இன்று ஆரம்பமானது.
போட்டியின் முதல் நாள் ஆட்டநேர நிறைவின்போது நாணயசுழற்சியில் வெற்றிபெற்று முதலில் துடுப்பாடிவரும் பங்களாதேஸ் அணி 4 விக்கட்டுக்களை இழந்து 374 ஓட்டங்களை பெற்றுள்ளது.
பங்களாதேஸ் அணி சார்பில் மொமனுள் ஹக் ஆட்டமிக்காமல் 175 ஓட்டங்களை பெற்றுள்ளார்.
மேலும் முஸ்பிகியுர் ரஹீம் 92 ஓட்டங்களையும், தமிம் இக்பால் 52 ஓட்டங்களையும், இமருல் கயில் 40 ஓட்டங்களையும் பெற்று கொண்டனர்.
பந்து வீச்சில் இலங்கை அணி சார்பில் சுரங்க லக்மால் 2 விக்கட்டுக்களை வீழ்த்தியதுடன்,, டில்ரூவான் பெரேரா மற்றும் லக்ஷான் சந்தகேனும் தலா ஒவ்வொரு விக்கட்டையும் வீழ்த்தியுள்ளனர்.
இரண்டு அணிகளுக்கிடையே இதுவரை 18 டெஸ்ட் கிரிக்கட் போட்டிகள் இடம்பெற்றுள்ளன.
அவற்றில் இலங்கை அணி 15 போட்டிகளில் வெற்றி பெற்றுள்ளது.
இரண்டு போட்டிகள் வெற்றி தோல்வியின்றி நிறைவுற்றுள்ளது.
எனினும் இறுதியாக இடம்பெற்ற டெஸ்ட் போட்டியில் பங்களாதேஷ் அணி வெற்றி பெற்றிருந்தது.
டெஸ்ட் தரப்படுத்தலில் இலங்கை அணி 6வது இடத்திலும் பங்களாதேஷ் அணி 9வது இடத்திலும் உள்ளமை குறிப்பிடதக்கது.
